KGU

Ректори донишгоҳи давлатии Кӯлоб
ба номи Абӯабдуллоҳи Рӯдакӣ       

rectord.jpg               Абдулло Ҳабибулло,11-уми феврали соли 1963 дар оилаи зиёӣ таваллуд шудааст. Баъди хатми мактаби миёна, соли 1985 факултаи математика ва физикаи Донишгоҳи давлатии Кӯлобро бо дипломи аъло хатм намудааст. Солҳои 1987-1992 ҳамчун коромӯз, аспирант ва ходими илмии Институти математикаи Академияи илмҳои Ҷумҳурии Молдова фаъолият намудааст. Соли 1992 дар шаҳри Кишинев рисолаи номзади илмҳои физика ва математикаро бомуваффақият ҳимоя намудааст. Баъдан ба ҳайси муаллими калони кафедраи алгебра ва назарияи ададҳои Донишгоҳи давлатии Кӯлоб (солҳои 1993-1995) фаъолият кардааст.
        Аз соли 1996 то соли 1999 ҷиҳати пешбурди тадқиқоти илмӣ дар кафедраи алгебра ва назарияи ададҳои Донишгоҳи давлатии миллии Тоҷикистон ҳамчун докторант таҳсил намудааст. Дар аввалин конференсияи илмии олимони ҷавони Тоҷикистон (соли 1999) Раиси Шӯрои олимон ва муҳаққиқони ҷавони Тоҷикистон интихоб гардидааст ва бо даъвати роҳбарияти Кумитаи кор бо ҷавонон солҳои 1999-2002 ба ҳайси сардори идораи ҷавонони эҷодкор, донишҷӯён ва хонандагони Кумитаи кор бо ҷавонони назди Ҳукумати Ҷумҳурии Тоҷикистон фаъолият намудааст. Солҳои 2003-2006 дар вазифаҳои мудири кафедраи математикаю информатикаи донишкадаи андоз ва ҳуқуқ кор кардааст. Аз соли 2006 то соли 2010 ба ҳайси дотсенти кафедраи математикаи олии Донишгоҳи миллии Тоҷикистон фаъолият намудааст. Солҳои 2010-2011ҳамчунмудири шӯъбаи математикаи институти илмҳои таҳқиқотии Донишгоҳи миллии Тоҷикистон фаъолият намудааст. Аз соли 2011 то 27.08.2012 мудири кафедраи математикаи олии ДМТ-ро ба ӯҳда доштааст.
     Соли 2009 дар Донишгоҳи давлатии Москва ба номи М.В.Ломоносов рисолаи доктори илмҳои физика ва математикаро бомуваффақият ҳимоя намудааст. Муаллифи 65 мақолаи илмӣ ва 9 дастури таълимӣ барои донишҷӯён буда дар якчанд конференсияҳо ва анҷуманҳои илмӣ дар мамлакатҳои Русия, Чехия, Венгрия ва Руминия иштирок ва баромад намудааст. Соли 2008 (4 моҳ) дар Донишгоҳи давлатии Москва ба номи М.В.Ломоносов ва соли 2010 дар Донишгоҳи марказии Аврупо (шаҳри Будапешт, 3 моҳ) таҳқиқоти илмӣ гузаронидааст.
      Аз 27.08.2012 тибқи Қарори Ҳукумати ҶТ, №421 ректори Донишгоҳи давлатии Кӯлоб ба номи Абӯабдуллоҳи Рӯдакӣ таъин гардидааст.
      Барои дастовардҳои баланди илмӣ соли 1998 дорандаи Ҷоизаи ба номи Исмоили Сомонӣ барои олимони ҷавон ва соли 2006 сазовори унвони Аълочии маорифи Тоҷикистон гардидааст. Оиладор буда соҳиби 4 фарзанд мебошад.
Рисолаҳои номзадӣ: Ядра, линейность и уравновешенные тождества в квазигруппах (с.1992, Институти математикаи  АИ Молдова),
Рисолаҳои докторӣ: Тождества и линейность квазигрупп (с.2009, Донишгоҳи давлатии Москва ба номи М.В.Ломоносов).