KGU

Молиявию иқтисодӣ

МАЪЛУМОТИ УМУМӢ

moliyavi.jpg

             Факултаи молиявию иқтисодии Донишгоҳи давлатии Кӯлоб ба номи Абӯабдуллоҳи Рӯдакӣ ҳамчун маҳзани илму дониш дар тайёр намудани кадрҳои баландихтисос вобаста ба самтҳои гуногуни иқтисоди миллӣ нақши бориз дорад. Факулта ҳамчун факултаи иқтисодӣ моҳи августи соли 1992 дар заминаи Донишгоҳи давлатии Кӯлоб ба номи Абӯабдуллоҳи Рӯдакӣ ташкил шудааст. Бо фармони ректори донишгоҳ аз 6-уми апрели cоли 2014, №57 факултаи мазкур ба ду факултаи алоҳида иқтисод ва идора ва молиявию иқтисодӣ таҷдид карда шуд. Бо дарназардошти зарурати воқеӣ бо фармоиши ректори донишгоҳ аз 16.01.2018, №13 дар бораи ворид намудани тағйирот ба сохтори донишгоҳ факултаҳои молиявию иқтисодӣ ва иқтисод ва идора муттаҳид карда шуда, факултаи молиявию иқтисодӣ номгӯзори карда шуд.

Айни замон дар факулта 82 нафар омӯзгорон (профессорон, докторони илм, дотсентон, номзадҳои илм, муаллимони калон ва ассистентон) фаъолият мекунанд. Теъдоди умумии донишҷӯён дар факулта 1799 нафарро ташкил медиҳад. Аз  ин шумора 1168  нафар  дар  таълими рӯзона‚ 631- нафар  дар  таълими ғоибона, 78- нафар дар  зинаи магистратура ва 5-нафар дар зинаи докторантураи PhD, таҳсил намуда  истодаанд. Вобаста ба тақозои замон стандартҳои таҳсилоти олии касбӣ ва нақшаҳои таълимӣ дар факулта зина ба зина такмил ёфта, гузариш ба стандартҳои ҷаҳонии низоми кредитии таҳсилот ва низоми сезинагии таълим (бакалавриат, магистратура ва докторантура) ҷараён гирифта истодааст. Таҳсил дар таълими рӯзона ва ғоибонаи факулта тариқи буҷавӣ ва шартномавӣ ба роҳ монда шудааст.

Дар доираи фаъолияти факулта ҷаласаҳои садорати факулта, Шӯрои олимон ва Шӯрои илмӣ-методӣ амал менамоянд, ки пайваста дастовардҳоро дар бахшҳои гуногуни корҳои таълимӣ, илмӣ-тадқиқотӣ ва илмӣ-методӣ, тарбиявӣ, робитаҳои хориҷӣ мавриди баррасӣ қарор медиҳанд.

Дар факулта синфхонаи муҷаҳҳаз бо технологияи ҳозиразамони дарсӣ (тахтаи электронӣ ва видеопроектор), синфхонаи компютерӣ пайваст бо шабакаи интернетӣ мавҷуд буда, омӯзгорон гузаронидани машғулияти лексионӣ ва семинариро бо истифода аз воситаҳои аёнӣ ба роҳ монда, пайваста маълумотҳои муфид ва лозимиро аз шабакаи интеренетӣ ҷустуҷӯ намуда, баҳри донишҷӯён пешкаш месозанд. Инчунин барои донишҷӯён ва омӯзгорон дар донишгоҳ китобхонаи  виртуалии дорои китобҳои электронӣ ва дар назди кафедраҳо кабинетҳои фаннӣ ташкил карда шудааст, ки  донишҷӯён ва омӯзгорон аз он мақсаднок истифода мебаранд.

Факултаи молиявию иқтисодӣ бо факултаҳои иқтисодии донишгоҳу донишкадаҳои ҷумҳурӣ дар самти таълим, тарбия ва илм робитаҳои судманд дошта, механизми беҳтарсозии фазои ҳамкориҳоро баҳри рушди малакаи касбии донишҷӯён бо субъектҳои иқтисодӣ, шуъбаҳои бухгалтерии ташкилотҳо, муассисаҳои бонкӣ ва молиявии минтақавию ҷумҳуриявӣ ба роҳ мондааст.

Дар факулта Шарипов З.С. (солҳои 1992-1996), Қурбоналиев Б.Ҳ. (солҳои 1996-2003), Конкова А.А. (солҳои 2003-2006). Расулов Н.С. (солҳои 2006-2009, 2011-2013), Юнусов С.С. (солҳои 2009-2010), Назаров П.С. (солҳои 2010-2011), Куганов Н. К. (солҳои 2013-2014), Ҳакимов А. (факултаи таҷдидшудаи иқтисод ва идора солҳои 2014-2015), Сафаров М. (факултаи таҷдидшудаи иқтисод ва идора солҳои 2015-2016), Фархудинов Ю. (факултаи таҷдид шудаи иқтисод ва идора солҳои 2016-2017), Расулова Л. (факултаи таҷдидшудаи иқтисод ва идора солҳои 2017-2018) ба ҳайси декан кор кардаанд. Алҳол вазифаи декании факултаро номзади илмҳои иқтисодӣ Мирсаидов М.Н. ба ӯҳда дорад.Дар факулта ду кафедра аз рӯи 12 ихтисос фаъолият менамоянд.

 

КАФЕДРАИ «НАЗАРИЯИ ИҚТИСОДӣ ВА МОЛИЯ»

Кафедра аз рӯи ихтисоси «Баҳисобгирии бухгалтерӣ, таҳлил ва аудит дар муассисаҳои буҷетӣ ва илмӣ - 1-25 01 08 03», Молия ва қарз - 1-25 01 04» ва «Кори бонкӣ: 1-25 01 04 02», «Андоз ва андозбандӣ: 1-25 01 04 03», «Иқтисодиёти ҷаҳон: 1-25 01 03» кадр тайёр мекунад.

КАФЕДРАИ «ИҚТИСОД ВА ИДОРА

Кафедра аз рӯи ихтисоси «Менеҷменти иҷтимоӣ - 1-26 02 02 06», «Маркетинг-1-26 02 03» ва «Идораи мақомоти маҳаллӣ: 1-26 01 01 01», «Иқтисодиёт ва идора дар корхона: 1-25 01 07», «Иқтисодиёт ва идора дар КАС: 1-25 01 07 15», «Иқтисодиёт ва идора дар КХМ: 1-25 01 07 28» кадр тайёр мекунад.

Факулта аз рӯи ихтисосҳои зерин мутахассис тайёр мекунад:

1.    «Баҳисобгирии бухгалтерӣ, таҳлил ва аудит дар муассисаҳои буҷетӣ ва илмӣ - 1-25 01 08 03»;

2.    Молия ва қарз - 1-25 01 04»;

3.    «Кори бонкӣ: 1-25 01 04 02»;

4.    «Андоз ва андозбандӣ: 1-25 01 04 03»;

5.    «Иқтисодиёти ҷаҳон: 1-25 01 03»;

6.    «Менеҷменти иҷтимоӣ - 1-26 02 02 06»;

7.    «Маркетинг-1-26 02 03»;

8.     «Идораи мақомоти маҳаллӣ: 1-26 01 01 01»;

9.    «Иқтисодиёт ва идора дар корхона: 1-25 01 07»;

10.     «Иқтисодиёт ва идора дар КАС: 1-25 01 07 15»;

11.      «Иқтисодиёт ва идора дар КХМ: 1-25 01 07 28».

Ҳамин тариқ, ҳайати олимону омӯзгорон ва созмонҳои ҷамъиятии факулта бо мақсади иҷрои дастуру супоришҳои Президенти Ҷумҳурии Тоҷикистон муҳтарам Эмомалӣ Раҳмон, қарору барномаҳои Ҳукумати Ҷумҳурии Тоҷикистон, фармоишҳои Вазири маориф ва илми Ҷумҳурии Тоҷикистон, қарорҳои мушовараи Вазорати маориф ва илми Ҷумҳурии Тоҷикистон, амру фармоишҳои ректори Донишгоҳи давлатии Кӯлоб, қарорҳои Шӯрои олимон ва ректоратро сармашқи кори худ қарор дода, дар тайёр намудани мутахассисони  касбӣ ҳиссаи худро гузошта истодааст. 



Суроға: ш. Кӯлоб, кӯч. С.Сафаров 16, ДДК ба номи А. Рӯдакӣ, бинои таълимии №5
Телефони корӣ: (+992 83322) 2-36-64
E-mail: moliyavi.iqtisodi@kgu.tj