KGU

ТАЪРИХИ ФАКУЛТА

                           tarikh va huquq.jpg

      Факултаи таърих, ҳуқуқ ва муносибатҳои байналмилалӣ ҳамсоли донишгоҳ буда, фаъолияти худро аз 1945-1946 дар назди факултаи Забон ва адабиёт оғоз намуда буд. Дар охири соли 1947 шӯъбаи таърих ба факултаи таърих табдил дода шуд, ки дар се гурӯҳи таълимӣ, ду гурӯҳ бо забони тоҷикӣ ва русӣ, як гурӯҳ дар шуъбаи ғоибона донишҷӯ қабул намуданд, ки дар он нахустин омӯзгорон Бозор Шарифзода, Ҳ.Б. Багиров, Ашраф Сиддиқов дарс мегуфтанд. Соли 1947  нахустин шуда, ба 15 нафар шогирдони худ дипломи олии нопурраро дар соҳаи илми таърих  ҳадия кард. Факулта бо таҳсили рӯзона ва ғоибона то моҳи ноябри соли 1953 арзи вуҷуд кард. Аз моҳи майи соли 1960 то 27-уми июли соли 1962 ДДОК ба филиали ДДО Душанбе табдил ёфт, ки   шуъбаи таърих бо теъдоди 60 нафар  хатм карда, фаъолияти ин шуъба қатъ гардид. Ҳангоми таъсиси давлати соҳибистиқлоли Тоҷикистон соли таҳсили 1992-93 аз нав дар заминаи факултаи таърих ва филологияи тоҷик ҳамчун шуъбаи таърих таъсис дода шуд, ки роҳбарии онро номзади илми филологӣ, дотсент Сайҷафаров  Шоҳвалӣ ба уҳда дошт. Дар соли аввали таъсисёбӣ, яъне солҳои таҳсили 1992-1993 ба шуъбаи таърих  32  нафар соли 1993-1995  114 нафар донишҷӯён дохил шуданд.

Соли 1995  дар  назди факулта, шуъбаи ғоибона кушода шуд, ки худи ҳамон сол 28 нафар довталабон дохил гардиданд. Соли 1997 аввалин маротиба донишҷӯёни таълими рӯзонаи шуъбаи таърих, бо теъдоди 22 нафар ин ихтисосро  бо мувафақият хатм намуданд.

Аз соли 1993 то соли 2000-ум  дар назди факултаи забон ва адабиёти тоҷик амал карда, 20 уми моҳи январи соли 2001 шуъбаи таърих аз ихтисоси филологияи тоҷик ҷудо шуд, ба факултаи  мустақил бо номи Таърих ва ҳуқуқ  ташкил  ёфт. Соли 2014 факулта номи таърих, ҳуқуқ ва муносибатҳои байналмилалиро гирифт. Айни замон дар факулта 981 нафар донишҷӯ дар таълими рӯзона ва ғоибона таҳсил дорад.  Факулта аз рӯи зинаҳои бакалавр, магистр ва докторанти phd низоми таълими кредитӣ дар таълими рӯзона, мутахасис дар таълими ғоибона аз рӯи ихтисосҳои зерин ихтисосмандонро тайёр мекунад.

1. «Таърих: 1-02 01 01»;

2. «Таърих ва ҳуқуқ: 1-02 01 02»;

3. «Муносибатҳои байналмилалӣ:1-2301 01»;

Ёдовар бояд шуд, ки факулта бо факултаҳои дигар донишгоҳҳои Ҷумҳурӣ Донишгоҳи миллии Тоҷикистон, Донишгоҳи давлатии омӯзгории Тоҷкистон Донишгоҳи давлатии Қурғонтеппа,  робитаҳои  ҳамкорӣ дорад. Дар таҳкиму тадриси факулта устодони варзида, ки солҳо роҳбари кардаанд, дотсент  Достӣ Шарифов, дотсент Юнусов С.С., профессор Абдуллоев М.Х., дотсент Азамов Х.С., н.и.т.Боқиев Р.У.  н.и. сиёсӣ Пирназаров Э.А., муаллими  калон Сафаров Х.Х., ҳамзамон дар таълиму тарбияи насли ҷавон ва тайёр намудани мутахасисон бо роҳбарии шахси ҳалиму кордон декани факулта Шарифов А.Б.. саромӯзгор Абдураҳмонова Г. дотсент Назаров П.С., саромӯзгор Сафаров Х.Х., Маҳмадов У., Суфиев С., Назаров Б., Ҳайдаров Ҳ., Сайдалиев Р.А., Сангов А., Изатова М.,Алуев А.,Бобоев Ш. ва дигар омӯзгорон саҳми босазои худро гузошта истодаанд.

Дар баробари корҳои таълиму тарбиявӣ ва ҷамъиятӣ дар таълиф ва эҷоди мақолаҳо ва асарҳои илмӣ-методӣ саҳми олимону омӯзгорон Абдуллоев М.Х., Юнусов С.С., Азамов Х.С., Абдуназаров Х., Назаров П.С., Муродов Т.,  Муродова Г.,Сафаров Х.Х., Назаров Б.Ҳ. ва дигар омӯзгорону кормандон назарас аст.