KGU

Шуъбаи аспирантура

Шуъбаи аспирантура

Шӯъбаи аспирантураи донишгоҳи давлатии Кӯлоб
ба номи Абӯабдуллоҳи Рӯдакӣ

Аспирантура яке аз шаклҳои асосии тайёр намудани кормандони илмӣ ва илмӣ-педагогии  тахассуси олӣ аст. Он барои баланд бардоштани тахассуси илмӣ-педагогӣ ва илмии шаҳрвандон, гирифтани дараҷаи номзади илм шароити бефосилаи омӯзишро фароҳам меорад.

        Шуъбаи аспирантура соли 2006 дар Донишгоҳи давлатии Кӯлоб ба номи Абӯабдуллоҳи Рӯдакӣ таъсис дода шудааст. Мақсад аз таъсис додани он дар донишгоҳ тарбияи кадрҳои соҳибтахассуси илмӣ мебошад.

Шурӯъ аз рӯзҳои аввали таъсисёбӣ то инҷониб  Шуъбаи аспирантураи донишгоҳро беш аз 135 нафар  довталабон  ба аспирантураи донишгоҳ  дохил  шуданд, қариб 100 нафари онҳо ин шуъбаро хатм намуда, зиёда 40  нафар рисолаи номзадӣ  дифоъ карданд. Мутаассифона, бо  сабабҳои объективӣ ва оилавӣ қисме аз онҳо шартномаи меҳнатиро қатъ намуда, дар дигар донишгоҳҳо фаъолият доранд. Аз шумораи зикршуда, 27 нафари он дар донишгоҳи мо фаъолияти илмии худро дар самтҳои гуногун давом дода истодаанд.

Шуъбаи аспирантураи донишгоҳ муддати 12 сол мешавад, ки  аз  рӯи  ихтисосҳои  зерин  фаъолияташро дар шуъбаҳои  рӯзонаву  ғоибона  ба роҳ  монда  истодааст:

·          физикаи ҷисмҳои сахт- 01.04.00;

·           фалсафаи илм ва техника- 09.00.05;

·           забони тоҷикӣ-эронӣ-10.02.08;

·           педагогикаи умумӣ, таърихи педагогика ва таҳсилот-13.00.01;

·          назария ва  методикаи таълими фанҳои махсус -13.00.02 фаъолият

Айни ҳол дар донишгоҳ 41 нафар аспирант (13 нафар дар таълими рӯзона ва 28 нафар дар таълими ғоибона) ба таҳсил фаро гирифта шудаанд. Аз шумораи умумии  аспирантон 20 нафарро духтарон ва 21 нафарро  писарон ташкил  медиҳад.

Суроға: ш. Кӯлоб, кӯч. С.Сафаров 16, ДДК ба номи А. Рӯдакӣ, бинои маъмурӣ, ошёнаи 3-юм, утоқи 302
Телефони корӣ: (+992 3322) 2-59-63
E-mail: aspirantura@kgu.tj