16.03.2021
Имрӯз вохӯрии вакили Маҷлиси намояндагони Маҷлиси Олии Ҷумҳурии Тоҷикистон муҳтарам Шарифҷон Ҳақимзода бо як идда донишмандону омӯзгорон ва аҳолии шаҳри Кӯлоб дар толори фарҳангии Донишгоҳи давлатии Кӯлоб ба номи Абӯабдуллоҳи Рӯдакӣ баргузор гардид. Вохӯриро ректори Донишгоҳи Давлатии Кӯлоб ба номи Абӯабдуллоҳи Рӯдакӣ, профессор Абдусалом Мирализода оғоз намуданд. Муҳтарам, Шарифҷон Ҳақимзода дар атрофи Паёми Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон «Дар бораи самтҳои асосии сиёсати дохилӣ ва хориҷии ҷумҳурӣ» суханронӣ карда, паҳлӯҳои гуногуни ин дастури муҳими давлатиро ба ҳозирин шарҳ доданд. Нутқи Шарифҷон Ҳақимзода, ки хеле ҷолибу пуртаъсир буд, аз тарафи ишштирокдорони вохӯрӣ бо мароқ шунавида шуд. Дар вохӯрии мазкур муовини раиси шаҳри Кӯлоб Орзу Ҳамидиён иштирок доштанд.
Маркази матбуотӣ