16.04.2021
Дирӯз ба Донишгоҳи давлатии Кӯлоб ба номи Абӯабдуллоҳи Рӯдакӣ адиб, шоир ва таърихшинос Муҳтарам Ҳотамзода бо ҳунарманди шинохта Баҳодур Неъматов ташриф оварданд. Ташрифи меҳмононро ба Донишгоҳ ноиби ректор оид ба таълим, номазади илмҳои филологӣ Холиқзода Айниддин хайрамақдам гуфтанд. Вохӯрии меҳмонон бо донишҷӯёни факултаҳои филологияи тоҷик, таърих, ҳуқуқ ва муносибатҳои байналмилалӣ гузаронида шуд, ки шоир Муҳтарам Ҳотам аз ашор ва эҷодиёти тозаи худ дар атрофи мавзӯҳои ватандӯстӣ баромад намуданд. Дар поёни ин нишасти хотирмон таронасарои овозаманди эстрадаи тоҷик Баҳодур Неъматов бо таронаҳои худ дили нишастагонро шод гардонд.
Маркази матбуотӣ