ВОХӮРИИ РЕКТОРИ ДОНИШГОҲ БО НАМОЯНДАГОНИ ДОНИШГОҲИ ДАВЛАТИИ КОМСОМОЛИ ЛАБИ АМУРИ ФЕДЕРАТСИЯИ РОССИЯ

Санаи 15-уми июни соли равон ректори Донишгоҳи давлатии Кӯлоб ба номи Абуабдуллоҳи Рӯдакӣ, доктори илмҳои ҳуқуқшиносӣ Раҳмон Дилшод Сафарбек бо намояндагони Донишгоҳи давлатии Комсомоли лаби Амури Федератсияи Россия Гудим Александр Сергеевич ва Беҳрӯз Табаров вохӯрӣ намуданд. Зимни вохӯрӣ ҷиҳати вусъат бахшидани ҳамкориҳои илмию таълимии дуҷониба, табодули магистрантону аспирантон ва донишҷӯён, ташкили ихтисосҳо барои дарёфти дипломи ҳар ду донишгоҳҳо дар як вақт суҳбати судманд анҷом доданд.