21.12.2020
Конференсияи мазкур рӯзи 19-уми декабри соли равон дар Донишгоҳи давлатии Кӯлоб ба номи Абӯабдуллоҳи Рӯдакӣ ба шакли фосилавӣ доир гардид, ки дар он яке аз масъалаҳои муҳими илми рӯзноманигорӣ - рушди публитсистика ва методикаи таълими журналистикаи муосир ба муҳокимаи донишмандон ва донишхоҳони соҳаи рӯзноманигорӣ гузошта шуд.
Бояд гуфт, ки конференсияи номбурда дар як фазои солими баёни ҷусторҳову дарёфтаҳо ва пешниҳодҳои ҷолиби иштирокдорон баргузор гардид. Донишмандон дар баробари андешарониҳои олимона, рӯ ба забони расонаҳои хабарии ҳамагонӣ, аз ҷумла радиову телевизион низ оварда, таваҷҷуҳи ҳамаро ба як идда норасоиҳо дар забони адабии ВАО ҷалб намуданд.
