KGU

Химия, биология ва география

Факултаи Химия, биология ва география

     ХИМИЯ ВА БИОЛОГИЯ.png

МАЪЛУМОТИ УМУМӢ

Факултаи химия,биология ва география фаъолияти худро аз 6-ум апрели соли 1993 кори худро бо кафедраҳои азнав ташкилшуда ва ихтисосу гурӯҳҳои таълимии ба тобеияташон воридгардида оғоз намуд.

Вобаста ба тақозои замон стандартҳои таҳсилоти олии касби ва нақшаҳои таълими дар факултет такмил дода шуданд ва зина ба зина гузариш ба низоми таҳсилоти кредити ва низоми сезинагии таҳсилот (бакалавриатура, магистратура ва докторантура) чараён гирифта истодааст. Стандартҳои нави давлатии таълимии таҳсилоти олии касби оид ба ихтисосҳои марбути факулта соли 2011 ва нақшаҳои нави таълими соли 2014 аз чониби Шурои олимони Донишгоҳи давлатии Кулоб ба номи Абуабдуллоҳи Рудаки ва Вазорати маориф ва илми чумҳурии Точикистон пурра аз нав карда шуда, тасдиқ гардиданд. Айни замон дар факулта аз рӯи ихтисосҳои зерин : химия-биология, химия-экология, биология-экология, биотехнология,география, географияи сайёҳи ва менеҷменти сайёҳат, сайёҳат ва меҳмондори дар таълими рузона ва ғоибона мутахасисон омода карда мешавад.

     1.Химия-биология-(шартномаи таҳсил барои 1-сол 2200-с ташкил медиҳад), лозим ба ёдоварист,ки вобаста ба ин ихтисос дар факулта дар таълими рӯзона ва ғоибона тариҷи буҷави-220, тариқи шартномави -180 нафар донишҷӯён ба таълим фаро гирифта шудаанд, ки дар оянда метавонанд мутахасиси  соҳаи омӯзгори ва соҳаи тиб гарданд.
     2. Химия-экология-(шартномаи таҳсил барои 1-сол 2200-с ташкил медиҳад)яке аз ихтисосҳое ба ҳисоб меравад, ки дар ҷомеъаи имрӯза барои нигоҳдории муҳити экологи ва бедор намудани ҳисси ватандустии хонандагон ба муҳити экологи нақши хеле муҳимро мебозад. Вобаста ба ин дар факултет аз рӯи ихтисоси дар боло зикргардида зиёда аз 160-нафар донишҷӯён тариқи буҷави ва шартномави ба таълим фаро гирифта шудааст.
     3. Биология-экология-(шартномаи таҳсил барои 1-сол 2200-с ташкил медиҳад)яке аз ихтисосҳое ба ҳисоб меравад, ки дар факултет аз руи ин ихтисос 234-нафар донишҷӯён тариқи буҷави ва шартномави ба таълим фаро гирифта шуда дар оянда метавонанд  омӯзгори соҳаи химия ва экология гардад.
    4. Биотехнология-(шартномаи таҳсил барои 1-сол 2200-с ташкил медиҳад), ихтисосе ба ҳисоб меравад, ки дар ҷомеаи имрӯза барои омода таҳлил намудани ҳама гунна маҳсулотҳои хурока,масолеҳи сохтмони, истеҳсоли матоъ, маҳсулотҳои дорувори саҳми арзанда хоҳанд гузошт. Дар риштаи ин ихтисос мо метавонем, ки дар оянда мутахасисони соҳаи технологиро омода намоем.Айни ҳол дар факултет дар ин ихтисос 80-нафар донишҷӯён дар таълими рузона тариқи буҷави ва шартномавӣ таҳсил менамоянд.
     5. География-(шартномаи таҳсил барои 1-сол 1600-с ташкил медиҳад)яке азихтисосҳое ба ҳисоб меравад, ки барои омӯзиши табиати биҳиштосои  Тоҷикистони маҳбубамон сахмгузор хоҳад буд. Дар факултет дар заминаи ин ихтисос дар таълими рузона ва ғоибона 320-нафар донишҷӯён тариқи шартномавӣ ва буҷави ба таълим фаро гирифта шуда омӯзгоронро дар ин самт омода менамоянд.
    6. Географияи сайёҳӣ ва менеҷменти сайёҳат- (шартномаи таҳсил барои 1-сол 2200-с ташкил медиҳад)яке азихтисосҳое ба ҳисоб меравад, ки барои омӯзиши табиати биҳиштосои  Тоҷикистони маҳбубамон саҳмгузор хоҳад буд. Дар факултет вобаста ба ин ихтисос дар таълими рӯзона ва ғоибона 204-нафар донишҷӯён тариқи шартномави ва буҷави ба таълим фаро гирифта шуда дар оянда мутахассисони соҳаи сайёҳиро дар ин самт омода менамоянд.
     7. Сайёҳат ва мехмондори-(шартномаи таҳсил барои 1-сол 2200-с ташкил медиҳад). Дар факулта аз рӯи ин ихтисос 107-нафар донишҷӯён ба таълим фаро гирифта шудаанд, ки метавонад дар оянда мутахасисони соҳаи меҳмонавозиро омода намоянд. Айни ҳол ин соҳа яке аз ихтисосҳое ба ҳисоб меравад, ки бахшида ба ин соҳа мо омӯзгорон мутахасисонеро омода намоем, ки тавонанд табиати биҳиштосои Тоҷикистонро ба дигар давлатҳо муаррифи намуда  самти туристиро дар Тоҷикистони соҳибистиқлоли азизамон рӯ ба инкишоф диҳанд.

     Ихтисосҳои факулта ихтисосҳои замонави буда, вобаста ба тақозои бозори меҳнати минтақа ва чумҳури дар соли 2010 дар заминаи собиқ факултаи химия-биология ташкил шудаанд. Бояд гуфт, ки чараёни таълим дар шуъбаи таълими рӯзона аз руи низоми кредити ва дар шуъбаи таълими ғоибона аз руи низоми анъанави ба роҳ монда шудааст.

  1. Кафедраи химия ва биология 

Кафедраи «Химия ва биология» таҳти№16 аз 18-уми январи соли 2018 дар назди факултаи химия,биология ва географияи Донишгоҳи давлатии Кулоб ба номи Абӯабдуллоҳи Рӯдаки ташкил шудааст. Дар кафедра аз рӯи ихтисосҳои  химия-биология, химия-экология, биология-экология, биотехнология мутахасисон барои риштаи омӯзгори омода карда мешаванд. Айни ҳол вазифаи мудири кафедраро номзади илмхои кишоварзи Исуфов Дилшод бар душ дорад. Кафедра барои омода намудани мутахасисони ба бозори меҳнат ҷавобгӯй фаъолияти як озмоишгоҳи химиявиро ба роҳ мондааст, ки донишҷӯён донишҳои назариявии гирифтаи худро дар амал тадбиқ менамоянд. Лозим ба ёдоварист, ки барои  омода намудани мутахассисони ҷавон дар кафедра ду маҳфил :   Маҳфили “Химикони ҷавон” ки роҳбариашро ассистенти кафедра Ҳисайнов Т, маҳфили  “ Зиштшиноси” роҳбарии маҳфилро  ассистенти кафедра Холов С  ба уҳда дошта, дар ин маҳфилҳо донишҷӯёни курсҳои 1-2-3-4-5-ум 60-нафар аъзо мебошанд. Дар як моҳ ду маротиба бо иштироки донишҷуён ва омӯзгорон ба роҳ монда мешавад. То ба ин рӯз 8-мавзуъ дар маҳфили “ Химикони ҷавон” ва 8-мавзуъ дар маҳфили  “ Зиштшиноси” аз ҷониби донишҷӯён матраъ шудааст.Дар оянда кафедра нақша дорад, ки сафи чунин маҳфилҳоро  зиёд намуда донишҷӯёни бештарро ҷалб намояд.

2. Кафедраи география ва сайёҳӣ

Кафедраи география ва сайёхи бо фармони ректори Донишгоҳи давлатии Кулоб ба номи Абуабдуллоҳи Рудаки таҳти №16 аз 18-уми январи соли 2018 дар назди факултаи химия,биология ва география таъсис ёфтааст. Дар кафедраи география ва сайёҳи аз рӯи ихтисосҳои зерин : Географияи сайёҳи ва менеҷменти сайёҳат, география, сайёҳат ва меҳмондори  шогирдон ба таълим фаро гирифта шудаанд. Дар кафедра  як маҳфил бо номи “Географ, сайёҳони ҷавон ” амал мекунад, ки дар он маҳфил 30-нафар донишҷӯёни курсҳои 1-2-3-4 фаро гирифта шудаанд. Маҳфил моҳе ду маротиба гузаронида шуда роҳбарии маҳфилро саромузгори кафедра Гадоев Шерали ба ӯҳда дорад. Айни ҳол вазифаи мудирии кафедраро номзади илмхои география Баротов Чумахон ба уҳда дорад. Дар оянда бовари ҳаст, ки ин кафедра барои тайёр намудани мутахасисони ба бозори меҳнат ҷавобгуй саҳми арзндаи худро хоҳад гузошт.


Суроға: ш. Кӯлоб, кӯч. С.Сафаров 16, ДДК ба номи А. Рӯдакӣ, бинои таълимии №3
Телефони корӣ: (+992 83322) 2-36-64
E-mail:  khimiya.biologiya@kgu.tj