Дар бораи кафедра 
Таърихи кафедра
Ҳайати кафедра
Фаъолияти маҳфил ва семинари кафедра
Дастовардҳои кафедра
Кафедраи иқтисодиёти корхонаҳо ва соҳибкорӣ ҷузъи сохтори факултети Иқтисод ва идора буда, аз рӯи се ихтисос 1-25 01 07 иқтисодиёт ва идора дар корхона, 1 – 26 01 01 01 идораи мақомоти маҳаллӣ ва 6D050600 иқтисодиёт дар се зинаи таҳсилот, бакалавр, магистратура ва докторантураи PhD мутахассисони лаёқатмандро вобаста ба талаботи бозори меҳнати дохилию хориҷӣ тайёр менамояд. Айни ҳол дар кафедра 20 нафар омӯзгорон кор ва фаъолият менамоянд, ки аз ин шумора: 3 нафар номзади илм, дотсент, 6 нафар муаллими калон, 10 нафар ассистентон ва 1 нафар коргузор мебошад.
Кафедраи иктисоди корхонахо ва сохибкорӣ 6-уми апрели соли 2014 бо фармоиши ректори Донишгоҳ таҳти №57 таъсис дода шудааст. Аз оғози таъсисёбӣ то инҷониб дотсентон Расулов Н.С., Расулова Л.Н., Каҷкулоев А.Ф. Назарзода П.С. роҳбарии кафедраро ба ӯҳда доштанд. Аз оғози соли таҳсили 2020 – 2021 то ин ҷониб муаллими калон Ҳакимов А.С. роҳбарии кафедраро ба зима дорад.
Ҳайати кафедра
Фаъолияти маҳфилҳо дар кафедра
Дар назди кафедра маҳфили илмии донишҷӯён бо номи «Соҳибкор» амал мекунад, ки аъзоёни ин маҳфил аз ҳисоби донишҷӯёни лаёқатманди ихтисосҳои назди кафедра интихоб шуда, иштирокчии фаъол ва ғолибони озмунҳо мебошанд. Роҳбарии маҳфилро ассистенти кафедра Нуралиева М.Д. ба ӯҳда дорад. Ин маҳфил дар як моҳ як маротиба бо шунидани ду маърӯзачӣ баргузор мешавад. Ҳамзамон дар кафедра семинари илмӣ - назариявӣ зери роҳбарии мудири кафедра фаъолият дорад. Дар семинар мавзуҳои рӯзмарра интихоб шуда, тибқи нақшаи кории семинар аз ҷониби омӯзгорони кафедра иҷро карда мешавад.
Ифтихорномаи Вазорати маориф ва илми Ҷумҳурии Тоҷикистон ба Каҷкуллоев Абдухолиқ барои хизматҳои бисёрсолаи бенуқсон дар соҳаи маориф ва илм, саҳми арзанда дар тарбияи насли наврас, тайёр намудани кадрҳои баландихтисос ва иштироки фаъолона дар ҳаёти ҷамъиятӣ мукофотонида мешавад.
Ифтихорномаи Донишгоҳи давлатии Кӯлоб ба номи А. Рӯдакӣ ба Ҳакимов Абдуразоқ барои фаъолияти пурсамар дар рушди илму маорифи кишвар ва таълиму тарбияи ҷавонон ба муносибати Рӯзи муаллимон сарфароз гардонида мешавад.
Ба Расулова Лутфия барои саҳми муносиб гузоштан дар татбиқи сиёсати давлатии ҷавонон, иштироки фаъолона дар чорабиниҳои фарҳангӣ, сиёсӣ ва тарғиботӣ бахшида ба эълон гардидани соли 2017 “Соли ҷавонон” бо сипосномаи Раёстаи кор бо ҷавонон ва варзиши вилояти Хатлон сарфароз гардонида мешавад.
Ифтихорнома ба муаллими калони кафедраи иқтисод ва идора Расулова Лутфия барои ифтихори баланди ватандӯстӣ, ҳисси масъулятшиносӣ, саҳми арзанда дар тарбияи насли наврас, тайёр намудани кадрҳои баландихтисос ва иштироки фаъолона дар корҳои ҷамъиятӣ бахшида ба Соли рушди сайёҳӣ ва ҳунарҳои мардумӣ сарфароз гардонида мешавад.
1. Расулова Л.Н. – аълочии маорифи Ҷумҳурии Тоҷикистон ва олими ҷавони сол - 2020 дар сатҳи вилояти Хатлон;
2. Каҷкулоев А.Ф. – аълочии маорифи Ҷумҳурии Тоҷикистон;
3. Семинари сол – 2020 – дар сатҳи донишгоҳ;
4. Маҳфили сол 2020 - дар сатҳи донишгоҳ.