KGU

Тарбияи ҷисмонӣ ва МТ - и он

КАФЕДРАИ ТАРБИЯИ ҶИСМОНӢ ВА МЕТОДИКАИ ТАЪЛИМИ ОН

Дар бораи кафедра    Без имени-2.jpg
Таърихи кафедра
Низомномаи кафедра
Ҳайати кафедра
Фаъолияти маҳфил ва семинари кафедра
Дастовардҳои кафедра

Дар бораи кафедра 

     Кафедраи Тарбия ҷисмонӣ ва методикаи таълими он ҷузъи таркибии сохтори муассисаи таҳсилоти олии касбӣ буда, дар байни донишҷуёну омӯзгорон корҳои таълимӣ, тарбиявӣ ва илмӣ-методиро ба роҳ мемонад. Фаъолияти кафедраи тарбияи ҷисмонӣ ва методикаи таълими он аз соли 1962 оғоз гардидааст. Аввалин маротиба мудириро дар кафедра - Мирзоалӣ Табаров, номзади илмҳои педагогӣ ба ӯҳда дошт.  

     Дар тули фаъолияти худ, кафдера варзишгарони номии Тоҷикистон дар сатҳи байналмиллалӣ шодравон Саидмуъмин Раҳимов, Мирзоватан Ҳасаналиев, Ориф Ҷурахонов, Ҳабибулло Маҷидов ва ғайраро тарбия намудааст. Дар кафедра 19 нафар омӯзгорони соҳибтаҷриба ва 2 нафар лаборант кору фаъолият доранд. Устодони кафедра дар 10 факултаи донишгоҳ аз рӯи 49 ихтисос дарс мегузаранд. Кафедра мутахассисони соҳаи тарбияи ҷисмонӣ таёр менамояд, ки онҳо оянда дар соҳаи маориф ва сохторҳои қудратӣ кор фаъолият хоҳанд кард.

Таърихи кафедра

     Кафедраи Тарбияи ҷисмонӣ ва методикаи таълими он аз соли 1962 ташкил шудааст. Аввалин маротиба мудириро дар кафедра - Мирзоалӣ Табаров, номзади илмҳои педагогӣ ба ӯҳда дошт. Дар тули фаъолияти худ, кафдера варзишгарони номии Тоҷикистон дар сатҳи байналмиллалӣ шодравон Саидмуъмин Раҳимов, Мирзоватан Ҳасаналиев, Ориф Ҷурахонов, Ҳабибулло Маҷидов ва ғайраро тарбия намудааст. Айни ҳол дар кафедра 19 омӯзгорон ва ду лаборант кор мекунанд. Фанҳои кафедра дар асоси стардарти давлатӣ ва нақшахои таълимӣ таълиму тадриз мешаванд.

     Барои ҳар як фанни таълимӣ, барномаи таълимӣ ва нақшаҳо корӣ таҳия гардидаанд. Омӯзгорони кафедра ба нӯҳ факулта аз рӯи 16 ихтисос дарс мегӯянд. Аз ин 16 ихтисос дар факултаи тарбияи ҷисмонӣ мавҷуд мебошад ва як ихтисос умумидонишгоҳӣ мебошад. Дар ихтисосҳои ғайри ихтисосҳои тарбияи ҷисмонӣ ва ОДҲ соатҳои тарбияи ҷисмонӣ ба се семест ҷудо карда шуда, шаш кредитро ташкил мекунад.

     Ҳайати омӯзгорони кафедра ба ғайр аз дарсдиҳӣ инчунин дар тайёр намудани варзишгарон ҳиссагузорӣ мекунанд. Дар тайёр кардани курсҳои такмилӣ саҳми устодони донишгоҳ ва бахши ҷавонон варзиши минтақаи Кӯлоб, вилоят, Кумитаи  ҷавонон, варзиш ва сайёҳии Ҷумҳурии Тоҷикистон хеле зиёд мебошад.

Низомномаи кафедра

НИЗОМНОМАИ
кафедраи тарбияи ҷисмонӣ ва методикаи таълими он - и Донишгоҳи давлатии Кӯлоб ба номи Абӯабдуллоҳи Рӯдакӣ

     Низомномаи мазкур дар асоси Қонуни Ҷумҳурии Тоҷикистон «Дар бораи маориф», Қонуни Ҷумҳурии Тоҷикистон «Дар бораи таҳсилоти олии касбӣ ва таҳсилоти касбии баъд аз муассисаи олии таълимӣ», «Низомномаи намунавӣ оид ба муассисаи таълимии таҳсилоти олии касбии Ҷумҳурии Тоҷикистон» ва дигар санадҳои меъёриву ҳуқуқии соҳаи маориф таҳия шудааст.

1. Кафедра ҷузъи таркибии сохтори муасcисаи таҳсилоти олии касбӣ (факултет) буда, дар байни донишҷӯён ва омӯзгорон корҳои таълимию тарбиявӣ, илмию методиро ба роҳ мемонад.
2. Кафедра дар сурати мавҷуд будани на камтар аз 5 воҳиди кории барои кормандони илмию педагогӣ пешбинишуда, ки аз ин миқдор на камтар аз 2 нафарашон номзад ва доктори илм бошанд, ташкил карда мешавад. Кафедраҳои махсус, тарбияи ҷисмонӣ ва забонҳои хориҷӣ (дар факултетҲои ғайрифилологӣ) аз ин талабот истисно мебошанд.
3. Кафедра бо пешниҳоди Шӯрои олимони факултет, тибқи қарори Шӯрои олимони муассисаи таҳсилоти олии касбӣ таъсис ва барҳам дода мешавад.
4.Кафедраҳои тахассусии муассисаи таҳсилоти олии касбӣ дар истеҳсолот филиалҳои худро дошта метавонанд.
5.Кафедраро мудир роҳбарӣ мекунад. Мудири кафедра аз ҷумлаи докторони илм, профессорон ба тариқи овоздиҳии пинҳонӣ дар Шӯрои олимони муассисаи таҳсилоти олии касбӣ ба муддати 4 сол интихоб карда мешавад.
Ба таври истисно мудири кафедра аз зумраи номзадҳои илм, дотсентон ба муддати 4 сол ва на зиёда аз ду мӯҳлат пайи ҳам, ба тариқи овоздиҳии пинҳонӣ дар Шӯрои олимони муассисаи таҳсилоти олии касбӣ интихоб карда мешавад. Мудирони кафедраҳое, ки то вақти амалӣ шудани Низомномаи мазкур ду мӯҳлат пайи ҳам адои вазифа кардаанд (аз зумраи номзадҳои илм ва дотсентон), минбаъд ҳуқуқи иштирок намуданро дар озмуни ишғоли вазифаи мудири кафедра надоранд.
6. Интихоби мудири кафедра аз ҷумлаи омӯзгороне, ки дараҷа ва унвони илмӣ надоранд, манъ аст. Барои баъзе ихтиссосҳо-забонҳои хориҷӣ, варзиш, соҳаи фарҳанг, ба таври истисно барои як муддат иҷозат дода мешавад.
7.Интихоби мудири кафедра дар асоси озмун гузаронида мешавад.
Озмун аз тарафи муассисаи таҳсилоти олии касбӣ 1 моҳ пеш аз интихоби мудири кафедра дар cаҳифаҳои васоити ахбори умум эълон ва интишор карда мешавад:
- дар озмун довталабон мутобиқи бандҳои 2 ва 5-и Низомномаи мазкур, мувофиқ ба ихтисос ва шифри тахассус иштирок карда метавонанд;
- ҳамон нафаре мудири кафедра ҳисобида мешавад, ки агар дар Шӯрои олимони муассисаи таҳсилоти олии касбӣ ҳангоми овоздиҳӣ аз се ду ҳиcсаи овозҳои аъзои Шӯрои олимонро гирад;
- овоздиҳӣ ба таври пинҳонӣ сурат мегирад.
8. Мудири кафедра узви Шӯрои олимони факултет мебошад.
9.Ба ҳайати кормандони кафедра, доктори илм, профессор-мушовир, номзади илм, дотсент, омӯзгор, омӯзгори калон, ассистент, ходими калон ва хурди илмӣ, докторант ва аспирант, муҳаққиқ–коромӯз ва кормандони таълимию ёрирасон (лаборант, лаборанти калон, мудири лаборатория, мудири кабинет, котиби кафедра) дохил мешаванд.
10. Ба зиммаи кафедра вазифаҳои зерин гузошта мешавад:
- ташкил ва гузаронидани машғулиятҳои лексионӣ, семинарӣ (амалӣ), лабораторӣ ва дигар намуди машғулиятҳои таълимӣ тибқи нақшаҳои таълимии муассисаи таҳсилоти олии касбӣ (дараҷаи баланди илмию назариявӣ);
- роҳбарӣ ба корҳои таълимию истеҳсолӣ, таҷрибаомӯзӣ, курсӣ, лоиҳа ва корҳои дипломӣ, ҳамчунин корҳои мустақилонаи донишҷӯён, ташкил ва гузаронидани санҷишу имтиҳони ҷорӣ;
- ташкил ва ба роҳ мондани корҳои тарбиявӣ дар байни донишҷӯён;
- мувофиқи тартиби муқарраргардида таҳия ва табъу нашри барномаҳои таълимӣ оид ба фанҳои тадрисшаванда;
- пешниҳоди тақриз ва хулоса ба барномаҳои таълимие, ки аз тарафи кафедраҳои дигар омода гардидаанд;
- таҳияи китобҳои дарсӣ, дастурҳои таълимӣ, дигар маводҳои методӣ, аёният ва хулосаҳои илмию методӣ барои нақшаҳои таълимӣ ва тахассусҳои нав;
- ба роҳ мондани корҳои илмию тадқиқотӣ дар асоси нақшаи тасдиқшуда;
- роҳбарӣ ба корҳои илмию тадқиқотии донишҷӯён;
- муҳокимаи корҳои илмию тадқиқотӣ ва татбиқи онҳо дар амалияи ҷамъиятӣ-истеҳсолӣ;
- ба нашр тавсия намудани таълифоти анҷомёфта;
- баррасии нақшаву барномаҳои инфиродии таълимӣ, илмӣ, методӣ ва корҳои тарбиявии устодон ва кормандони кафедра;
- омӯзиш, баррасӣ ва татбиқи таҷрибаи пешқадами омӯзгорони кафедра;
- дастгирӣ ва ёрии методӣ ба омӯзгорони ҷавон ва камтаҷриба дар роҳи такмил додани маҳорати педагогии онҳо;
- таҳия ва баррасии чорабиниҳо оид ба истифодаи маводҳои муосири таълимӣ ҳангоми машғулиятҳои амалӣ ва назариявӣ;
- тайёр намудани кадрҳои илмию педагогӣ;
- муҳокимаи рисолаҳои номзадӣ ва докторӣ, барои дифоъ пешниҳод намудани онҳо;
- бо супориши ректори муассисаи таҳсилоти олии касбӣ муҳокима ва баррасии рисолаҳои номзадӣ ва доктории аз берун воридшаванда;
- барқарор намудани алоқа бо истеҳсолот ва татбиқи робитаи назария бо амалия;
- ташкили робитаи мунтазам бо хатмкунандагони муассисаи таҳсилоти олии касбӣ, собиқ аспирантон ва докторантони кафедра;
- ташвиқу тарғиби дастовардҳои илмии омӯзгорон ва кормандони кафедра, ташкил ва гузаронидани чорабиниҳо оид ба такмили ихтисоси устодон ва кормандон;
- ташкил, баррасӣ ва муҳокимаи дарсҳои кушоди устодони кафедра;
- муҳокимаи матни лексияҳои устодони кафедра ва тасдиқи онҳо.
11. Омӯзгорон ва кормандони кафедра бояд ҳар 5 сол 1 маротиба аз коромӯзӣ ва курси такмили ихтисос гузаранд.
12. Ишғоли вазифа аз ҷониби ҳайати профессорон, омӯзгорон ва кормандони илмии кафедра дар муассисаи таҳсилоти олии касбӣ тибқи озмун, талаботи Низомномаи мазкур ва дар асоси шартномаи тарафайн тибқи қонунгузории ҷорӣ ба амал бароварда мешавад.
13.Фаъолияти ҳамасолаи мудири кафедра бо роҳи анкетагузаронӣ дар байни донишҷӯён ва кормандони он аз тарафи раёсати муассисаи таҳсилоти олии касбӣ муайян карда мешавад.
14.Маҳдудияти синну солӣ ҳангоми интихоби мудири кафедраи муассисаи таҳсилоти олии касбӣ тибқи муқаррароти кодекси меҳнати Ҷумҳурии Тоҷикистон муайян карда мешавад.

Ҳайати кафедра

Нурматов.png

Нурматов Шарофиддин – мудири кафедра

Маълумот: Олӣ

Тел: :  (+992) 988-03-92-16 




Зардов.png

Зардов Ҷума Комилович - муаллими калон                

Маълумот: Олӣ

Тел:  (+992) 987-35-04-64




Мирзоев.png

Мирзоев Шариф  - муаллими калон

Маълумот: Олӣ

Тел:  (+992) 988-68-28-16




Фозилов.png

Фозилов Субҳон - муаллими калон

 Маълумот: Олӣ





1.pngШарифова Меҳрӣ - муаллими калон

Маълумот: Олӣ

Тел: 918-51-51-63


 Идома...



Фаъолияти маҳфилҳо дар кафедра

Дар кафедра маҳфил ва сексияҳои зерин таҳти роҳбарии омӯзгорони кафедра: Мирзоев Ш  гуштини Дзю-до, Нурматов Ш гуштини миллӣ, Қурбоналии С гуштини Самбо, Каракулов А баскетбол, Худойдоди Ш Волейбол- бонувон,  Шоимардонов Х варзиши сабук, Зардов Ҷ варзиши сабук, Азимов Р волейбол- писарон, Ғолибҷони Р футболи хурд, Раҳматуллоев А гуштини тарзи озод гузаронида мешаванд. Дар сексияҳои варзишии номбаршуда, донишҷӯён аз тамоми факултаҳои донишгоҳ аъзо мебошанд. Дар баробари маҳфилҳо дар кафедра семинарии илмӣ – назариявӣ зери роҳбарии Зардов Ҷумахон дар як моҳ як маротиба гузаронида мешавад дар семинар омӯзгорон аз рӯи мавзӯҳои дар нақша тасдиқ шуда баромад мекунанд.


Дастовардҳои кафедра

Дастовард1.png

Каримов Хизралӣ - санаи 01.04.21018 дар мусобикаи ҷумхурияви байни беҳтаринҳои Ҷиу-Ҷитсуи Тоҷикистон, ки дар шаҳри Душанбе баргузор гардид, донишҷӯи курси якуми факултаи  тарбияи ҷисмонӣ ва омодагии дифои ҳарбӣ дар вазни 77 киллограм сазовори ҷои якум гашт.



Дастовард2.png

Санаи 12.02.2015 бахшида ба 70-солагии Донишгохи давлатии Кӯлоб ба номи Абӯабдуллоҳи Рӯдакӣ  дастаи факултаи тарбияӣ ҷисмонӣ ва омодагӣ дифои ҳарбӣ дар  Спартакиадаи омӯзгорон оид ба бозии шоҳмот сазовори ҷои сеюм гардид.




Дастовард3.png

Санаи 24.03.2018 донишҷӯи курси 1-уми таълими рӯзонаи факулта Комилов Шоҳрух дар мусобиқаи ҷумҳуриявӣ оид ба “Гӯштини самбо” , ки байни ҷавонони соли тавваллудашон 1998-2001 ба хотири гиромидошти аввалин чемпиони Иттиҳоди Шуравӣ оид ба гӯштини самбо Азалшо Олимов баргузор гардид, иштирок намуда дар вазни 74 кг сазовори ҷойи сеююм гардид.


Дастовард4.png

Санаи 17.03.2018 донишҷӯи курси 3-юми таълими рӯзонаи факулта Зулҳиҷаи Ҷурабек барои иштирок намудан дар “Дави наврӯзӣ” бахшида ба таҷлили ҷашни наврӯзи байналмилалии наврӯз-2018 бо ифтихорнома сарфароз гардонида шуд. 




Дастовард5.png

Санаи 11.03.2018 донишҷӯи курси 2-юми таълими рӯзонаи факулта Хайрандеши Муродзода. дар мусобиқаи минтақавӣ оид ба “Дзю-до” , ки байни ҷавонони соли тавваллудашон 1998-2001 баргузор гардид, иштирок намуда, сазовори ҷойи якум гардид. 




Дастовард6.png

Санаи 03.03.2018 спартакиадаи донишҷуёни донишгоҳи давлатии Кӯлоб ба номи Абӯабдуллоҳи Рӯдакӣ баргузор гардид, ки дар он дастаи варзишгарон сазовори ҷойи якум ва телевизион гардиданд





Суроға: ш. Кӯлоб, кӯч. С.Сафаров 16, ДДК ба номи А. Рӯдакӣ, бинои таълимии №1, ошёнаи 1-ум, утоқи №1
Телефони корӣ: (+992) 988039216
E-mail: k-tarbiyai.jismoni@kgu.tj