KGU

Химия ва методикаи таълими он

КАФЕДРАИ химия ва методикаи таълими он

Дар бораи кафедра    УМУМИ
Таърихи кафедра
Низомномаи кафедра
Ҳайати кафедра
Фаъолияти маҳфил ва семинари кафедра
Дастовардҳои кафедра


Дар бораи кафедра 

Кафедраи химия ва методикаи таълими он ҷузъи таркибии сохтори муассисаи таҳсилоти олии касбӣ буда, дар байни донишҷуёну омӯзгорон корҳои таълимӣ, илмӣ-методиро ба роҳ мемонад. Устодони кафедра дар факултетҳои мухталиф аз фанҳои тахассусии кафедра дарс мегӯянд. Дар кафедраи химия ва методикаи таълими он дар соли 2020-2021 дар маҷмӯъ 22-нафар омӯзгорону кормандон, ки аз ин миқдор 1-нафар ба ҳайси ҳамкори беруна, 20-нафар ба ҳайси ҳамкорӣ доимӣ кору фаъолият менамоянд, ки аз ин миқдор 1-нафарашон доктори илмҳои педагогӣ: профессор  Холназаров С., 1-нафар дотсент- Холиқов С.С.,  4-нафар муаллими калон: Худоёров Қ.,Исмоилова М., Бобоев Б., Уроқов М. 14-нафар ассисентон: Саидова М., Носирова З.,  Чолова С., Ҳисайнов Т., Хоҷаев И., Бобоев К., Акбарова Б., Досаев С., Сайфуддинов Ф., Ёрмадов Р., Асиламои А.,Ассоева О.,Ҳусайнов Ҳ.,Моҳираи Ҳ ва 2-нафар лаборант:  Шарифова Ҳ, Давронова М кору фаъолият менамоянд.  Инчунин дар кафедраи химия ва методикаи таълими он 18-нафар магистрантони курси якум ва дуюм аз рӯи ихтисоси химия ва 3-нафар докторанти PhD-соли якум ва дуввуми ихтисоси химия, 2-нафар аспирантон, 6-нафар унвонҷуён ба корҳои илмӣ таҳқиқоти машғул мебошанд. Лозим ба ёдоварист, ки аксарияти кормандони кафедраро ҷавонон ташкил медиҳанд.

Таърихи кафедра

Кафедраи химия ва методикаи таълими он аз 28-декабри соли 1991 бо номи кафедраи “Табиатшиносӣ” таъсис дода шуд. Мудири аввалини он муаллими калони кафедра, Ҳафизов С.Б буданд.
Аз соли 1992 то соли 1995 Номзади илмҳои биологи Мирзоев С.С вазифаи мудирии кафедраро  ба уҳда доштанд.
Аз соли 1995 муаллими калони кафедра, Ҳафизов С.Б ба вазифаи мудири кафедра таъин карда шуд, ки худи ҳамон сол номи кафедраи «Табиатшиносӣ» бо номи кафедраи «биология» иваз карда шуд.
Аз соли 2007 доктори илмҳои педагоги Мирзоев С.С мудири кафедра интихоб гардид.
Аз соли 2012 то соли 2017 муаллими калони кафедра Досаков М.М  мудирии кафедраро  ба уҳда дошт.
Аз соли 2017 и в мудири кафедра Исуфов Д. то соли 2019 таъин гардид ва худи ҳамон сол аз 20-уми сентябри  соли 2019 ба вазифаи  мудирии  кафедраи биология Исуфов Д.С интихоб гардид ва аз 16.01.2018 таҳти №13 кафедраи биология бо кафедраи химия муттаҳид карда шуда, кафедраи химия ва биология номгузори карда шуд.
 Аз соли 2019 кафедраи химия ва биология ба ду кафедраи навтаъсис: кафедраи биология ва методикаи таълими он ва кафедраи химия ва методикаи таълими он ҷудо гардид, ки айни ҳол мудирии кафедри химия ва методикаи таълими он-ро  Бобоев Б ба уҳда дорад.

Низомномаи кафедра

Муқарароти  умумӣ.

Бо қарори  мушовараи  Вазорати маориф ва илми Ҷумҳурии Тоҷикистон  Кафедраи химия ва методикаи таълими он аз 28-декабри соли 1991 №13 бо номи кафедраи “Табиатшиносӣ” таъсис дода шуд.
Низомномаи кафедраи химия ва методикаи таълими он, Донишгоҳи  давлатии Кӯлоб ба номи Абӯабдуллоҳи Рӯдакӣ (минбаъд-низомнома) дар асоси Қонуни Ҷумҳурии Тоҷикистон «Дар бораи маориф», Қонуни Ҷумҳурии Тоҷикистон «Дар бораи таҳсилоти олии касби ва таҳсилоти касбии баъд аз муассисаи олии таълимӣ», «Низомномаи намунавӣ оид ба муассисаи таълимии таҳсилоти олии касбии Ҷумҳурии Тоҷикистон» ва дигар санадҳои меъёриву ҳуқуқии соҳаи маориф таҳия шудааст.
1.     Кафедра  ҷузъи таркибии сохтори муассисаи таҳсилоти олии касбӣ (факултет) буда, дар байни донишҷӯён ва омӯзгорон корҳои таълимию тарбияви, илмию методиро ба роҳ мемонад. 
2.     Кафедра дар сурати мавҷуд будани на камтар аз 5 воҳиди кори барои кормандони илмию педагогӣ пешниҳод шуда, ки аз ин миқдор на камтар аз 2 нафарашон номзад ва доктори илмӣ бошанд, ташкил карда мешавад. Кафедраҳои махсус, тарбияи ҷисмонӣ ва забонҳои хориҷи (факултетҳои ғайрифилологи) аз талафот истисно мебошанд. 
3.     Кафедра бо пешниҳоди Шӯрои олимони факултет, тибқи қарори Шӯрои олимони муассисаи  таҳсилоти олии касбӣ таъсис ва барҳам дода мешавад. 
4.     Кафедраҳои тахассусии муассисаи таҳсилоти олии касбӣ дар истеҳсолот  филиалҳои худро дошта метавонанд. 
5.     Кафедраро мудир роҳбари мекунад. Мудири кафедра аз ҷумлаи докторони илм, профессорон ба тариқи овоздиҳии пинҳони дар Шӯрои олимони муассисаи таҳсилоти олии касби ба муддати 4-сол интихоб карда мешавад. 
Ба таври истисно мудири кафедра аз зумраи номзадҳои илм, ассистентон ба муддати 4-сол ва на зиёда аз ду муҳлат паи ҳам, ба тариқи овоздиҳии пинҳонӣ дар Шӯрои олимони муассисаи таҳсилоти олии  касбӣ интихоб карда мешавад. Мудирони кафедраҳое, ки то вақти амалӣ шудани низомномаҳои мазкур ду мӯҳлат паи ҳам адои вазифа кардаанд (аз зумраи номзадҳои илм ва дотсентон), минбаъд ҳуқуқи иштирок намуданро дар озмуни ишғоли вазифаи мудири кафедра надоранд.

Ҳайати кафедра

БОБОЕВ


Мудири кафедра:
Бобоев  Бахтиёр Ҷангиевич,

Саромӯзгор

Тел: 985078468



Холиков.png

Холиқов Сафар Сайфуддинович

Номзади илмҳои химия, дотсент                              


    



Худоёров.png


Худоёров Қурбон Юсупович

  




11.png


Исмоилова Муборак Кенҷаевна




4.png


Ҳисайнов Тешахон  Холмадович

  




5.png


Носирова Зарина Аминовна   

  




007.png

Акбарова Бибинисо Раҳматшоевна

E-mail: akbarov.benazir.85@bk.ru





008.png


Саидова Малика Абдуловна





Сайфуддинов


  Сайфуддинов Фирӯз Шарофуддинович

E-mail: Firuz 92@mail.ru





0010.png


   Шарипова  Ҳанифамо Ғаффоровна


   


Фаъолияти маҳфилҳо дар кафедра

     Дар кафедра баҳри баланд бардоштани завқи донишҷӯён нисбати омӯзиши фанни химия  маҳфилҳои фанни“Химикони ҷавон” таҳти роҳбарии ассистенти кафедра Моҳираи Ҳикматулло амал мекунанд, ки дар ин маҳфил 60-нафар донишҷӯ шомил буда, моҳе ду маротиба бо иштроки омӯзгорон ва донишҷӯён гузаронида шуда, дар он маърӯзаҳо бештар аз ҷониби донишҷӯён садо дода мешавад. Дар маҳфилҳо бештар аз ҷониби донишҷӯён мавзуҳои актуали интихоб мегардад.

Дар  соли 2021 кафедра нақша дорад, ки як чорабинии илмӣ-назариявӣ дар сатҳи донишгоҳ бахшида ба эълон гардидани солҳои 2020-2040 «Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф» дар моҳи март ташкил ва гузаронида шавад.

Дар кафедра инчунин семинарҳои илмӣ-назариявӣ амал мекунад, ки дар он омӯзгорони кафедра роҷеъ ба корҳои анҷомдодаи илмии худ маърӯзаҳо пешниҳод менамоянд. Семинар моҳе 1-маротиба  бо иштироки омӯзгорони кафедра гузаронида мешавад. 

Аспирантон ва унвонҷӯёни кафедра

Дар кафедра корҳои илмӣ-тадқиқотӣ дар сатҳи хуб ба роҳ монда шуда қисми зиёди омӯзгорони кафедра бо мавзуъ ва роҳбари илмӣ таъмин мебошад.

Лозим ба ёдоварист, ки 3-нафар унвонҷӯёни кафедра: Уроқов М., Бобоев Б., Ҳисайнов Т мавзӯи рисолаи номзадиашонро ба анҷом расонида дар арафаи ҳимоя қарор доранд.Назорати иҷроиши корҳои илмӣ-тадқиқотӣ пайваста зери таваҷҷуҳи мудири кафедра қарор дорад.

ФАЪОЛИЯТИ  ИЛМӢ.

1.     Холиқов С.С., Хоҷаев И., Бобоев Б -дастури таълими  “Унсурҳои химиявӣ”. Қисми-1,  Кӯлоб-2019. 130 саҳифа.
2.     Ҳисайнов Т., Бобоев Б., Уроқов М., Акбарова Б.  Дастури таълимӣ “Ҳалли машқҳо ва масъалаҳои тестӣ аз фанни химия”. Кӯлоб-2019.   90-саҳифа.
3.     Холиқов С.С.,Хоҷаев  И.  “Ҳалли  масъалаҳо аз химия”.  Васоити таълимӣ , Кӯлоб-2019. 100 саҳифа.
4.     Хоҷаев И, Бобоев Б, Уроқов М, Досаев С, Ёрмадов Р,  васоити таълимӣ бо номи “Муҳимтарин пайвастагиҳои ғайриорганикӣ” Кӯлоб-2020, 166-саҳифа.
5.     Досаев С, Бобоев К, Исмоилова М , дастури таълимӣ-методӣ бо номи “Таснифи типҳои умумии таомулҳои кимиёвӣ” Душанбе-ирфон-2020, 119-саҳифа.     

Дар соли таҳсили 2020 омӯзгорони кафедра мақолаҳои худро оиди корҳои илмӣ-таҳқиқотӣ дар маҷалаҳои тақризшаванда ба табъ расонидаанд:

1.     Носирова Зарина-ассистент, Чолова Саодат-ассистент “ Кори мустақилона яке аз роҳҳои асосии таълими химия дар марказҳои омодагии қаблӣ” Маҷалаи илмии тибӣ “Симурғ” Донишгоҳи Давлатии Тибии Хатлон №6 (2) 2020.
2.     Акбарова Бибиниссо-ассистент “Татбиқи ғояҳои ташаккули эътиқоди маънавӣ-ахлоқии хонандагони синни калони мактабӣ ҳангоми истифодаи маводи маҳаллӣ аз химия” Паёми Пажуишгоҳи Рушди Маориф  №1 (29) 2020.
3.     Шарифова Ҳанифа, Шарипова Бунафша- ассистентон “Низоми таълими босалоҳият дар ташаккули фаъолияти фарҳанги экологии хонандагон” дар маҷалаи Паёми Донишгоҳи Омӯзгорӣ №2 (2) 2020.
4.     Бобоев Комрон, Досаев С-ассистентон- “Таъсири омилҳои антропогенӣ ба иқлими шаҳрҳо”  дар маҷаллаи Паёми Донишгоҳи Омӯзгорӣ №3 (3) 2020.

       Дар кафедраи химия ва методикаи таълими он лоиҳаи шартномавии  “Тадқиқи таркиби обҳои ошомидании чашмаҳои шифобахши ноҳияҳои Кӯлоб, Балҷувон, Мӯъминобод, Ховалинг ва омӯхтани хосиятҳои физикавӣ ва химиявии онҳо” (солҳои 2022-2027) амал мекунад. Роҳбари лоиҳаи мазкур номзади илмҳои химия, дотсент Холиқов С.С мебошад. Дар доираи ин лоиҳа дар соли 2020,  3-мақола доир ба мавзeъи фармоиши, 5-фишурдаи маърӯзаҳо, иштирок дар конференсияҳои ҷумҳуриявӣ бо 1 фишурдаи маърӯзаҳо бо забони тоҷикӣ чоп шудааст. Вобаста ба мавзӯи лоиҳа як қатор мавзӯҳои рисолаи бакалаврӣ, рисолаи магистрӣ  таҳия гардида истодааст.

Дастовардҳои кафедра

ДАСТОВАРД

Дар Форуми ҷумҳуриявии ҷавонон таҳти унвони «Идораи муваффақияти ҳаёти асри ХII» барои таҳия ва муаррифии лоиҳаи инноватсионӣ дар раванди идораи ақлҳо, истифодаи самараноки вақт ва омодагӣ оид ба татбиқи ғояҳо дар амал.




ДАСТОВАРД1Санаи 27-28.09.2019 дар шаҳри Душанбе озмуни ҷумҳуриявии лоиҳавӣ таҳти унвони «КОНКУРС СТАРТАП Tech Сentral Asia Weekend в Душанбе» баргузор гардид. Сарпарастони озмун ширкатҳои «Сафорати Амрико дар Душанбе», «NAZARBOEV UNIVERSITY», «ALUMNI», «BUSINESS SCHOOL», «STARTUPSTAN», «KMП»  ва ширкати «Муассисаи Давлатии ташаккул ва рушди соҳибкории Тоҷикистон» буданд.


ДАСТОВАРД2Фестивал-озмуни ҷумҳуриявӣ навоварон ва ихтирокорони наврас ва ҷавон таҳти унвони «Ҷавонон-созандагони ватан» «Истеҳсоли доруи Фикардио барои бемориҳои дилу рагҳои хунгард» ш.Душанбе  12-13 октябр соли 2019




ДАСТОВАРД3

Дар соли 2019 бошад, бо ҳаммуаллифии Сайфудинов Ф.Ш. ва роҳбарии номзади илмҳои кимиё, дотсент, Холиқов С.С., доруи ихтироъ кардааст, ки «Фикардио» номгузорӣ гардидааст соҳиби Диплом гашт.




ДАСТОВАРД4

Барои иштироки фаъолона  дар  конфронсияи илмӣ назариявии ҷумҳуриявӣ  таҳти унвони “Об ва истифодаи он-мушкилоти глобалии  замони муосир”  бахшида ба Даҳсолаи байналмиллалии  амал “Об барои рушди устувор” 2018-2028  (5-6 апрели соли 2018 )





ДАСТОВАРД5


Санаи 26-уми апрели соли 2019 аз тарафи МД ММПИ озмуни ҷумҳуриявии «Беҳтарин ихтироъкори Тоҷикистон барои солҳои 2017-2018» баргузор гардид, ки ман низ ҳуҷҷатҳои худро барои иштирок дар ин озмун пешниҳод намудам, ва соҳиби нахустпатент гаштам.




Дастовард1.png

Мирзоев С.С., Назаров X.Ш., Сайдаҳмадова Д.Л. Досаков М.М. «Анатомия ва физиологияи  одам » Дастури илмӣ-методӣ. Душанбе: «Ирфон», 2015, 407-с.





Дастовард2.png

Тило Бобозода “Умре бо хандаи гулҳо ва гиряи созҳо” Душанбе -2016, 141-саҳ.





Дастовард3.png


Холиқов С.С., Хоxаев И.И., Акрасзода Р.X.- “Ҳалли масъалаҳо аз маҳлулҳо”. Дастури методӣ барои кимиёшиносони ҷавон - Кӯлоб 2017.94-саҳ.






Дастовард4.png

СИПОСНОМА "Кафедраи беҳтарин”-2015. Барои саҳми назарас дар рушди илму маориф, ширкати дастҷамъона дар корҳои ҷамъияти, тарбияи ҷавонон дар руҳияи  ватандӯстӣ хештаншиносӣ сарфароз гардонида мешавад. 



Суроға: ш. Кӯлоб, кӯч. С.Сафаров 16, ДДК ба номи А. Рӯдакӣ, бинои таълимии №5, ошёнаи 4-ум, утоқи №418
Телефони корӣ: (+992) 985078468
E-mail: